Агим Красниќи се води како бегалец, после слободен викенд не се вратил во затворот

ПОСЛЕДНИ ВЕСТИ

Осуденикот Агим Красниќи откако вчера не се пријавил во затвор Штип по викенд отсуството и официјално се води како бегалец.

Директорот на затворот Мики Тодоров за МИА вели дека сите институции се известени, Управата за извршување санкции, судот и полицијата, по што и официјално  Красниќи сега се води како бегалец.

Тој забележува дека изминатите години Красниќи има користено викенд отсуства и секогаш се враќал во затвор Штип на издржување на казната затвор. Немале никакви индиции дека Красниќи по ова викенд отсуство нема да се врати во затвор Штип.

Красниќи има единствена казна затвор од 15 години и ја издржува од 2008 година, тоа значи дека тој има издржано веќе 13 години казна затвор, а остануваат уште три.  Осуден за злосторничко здруѓување и поседување оружје и други кривични дела. 

На истиот начин минатата година во македонските затвори не се јавија штипјанецот Игор Спасов, кој беше осиден за убиството на Мартин Нешковски и Драганчо Стојменовски, познат како Дацо Белски, кој беше осуден за тепачка и напад со нож во еден од кочанските ресторани.