Сопствениците на деловните субјекти на улицата „Илинден“ во Тетово предупредија на протест против акцијата на општината за отстранување на паркираните или застанати автомобили од страна. Нивната жалба е дека таквата постапка ќе им наштети на вашите бизниси. Но откако протестот не се одржа, градоначалникот реши да излезе да ги слушне нивните проблеми.
Сопствениците бараат барем додека се тука печалбарите да има толеранција и автомобилите на купувачите да можат да застанат на 20 минути.
-Барањето како дуќанџија е пајак-возилото со полицајците да не ги казнува тие што паркираат 10 или 15 минути, затоа што ова го чекаме, сезона ни е, не ги оставаат да застанат ни пет минути и им велат да си одат, си заминуваат, не можеме ништо да продадеме. Падна работата и ако ги застанува полицијата, доаѓаат со мотор, и си одат.
-Ние со мештаните кои сме незадоволни и неизмерно оштетени, ова го чекавме, иселениците ги чекавме, што повеќе да кажам?! Бараме да се направи заедничко решение кое ќе им овозможи на купувачите да можат да купуваат.
-Ние бараме на првата лента да се паркира половина час, барем половина час, да има толеранција, па потоа да паркира друго возило.
Градоначалникот Касами им ветил дека во периодот додека се иселениците таму ќе има толеранција до 20 минути за запирање на автомобилите на клиентите.
-Излеговме на терен да видиме за што се работи, проблемот е за некои полицајци кои според изјавата на граѓаните не е потврдено дека полицијата не им дозволува да застанат ниту 20 минути за да клиентите можат да застанат да ги купуваат и да го продолжат патот и во исто време другиот дел да биде слободен. За ова секако ќе разговараме заедно со полициските раководители за да имаат толеранција полицајците кои ќе бидат ангажирани на овој дел од оваа улица или булевар, изјави Биљал Касами, Градоначалник на Тетово.
Општина Тетово заедно со полицијата презеде акција за расчистување на булеварите во Тетово од лошо паркирани автомобили. Според законот и знаците поставени на булеварите, не е дозволено привремено застанување или паркирање, но ова правило досега не се почитува.