Ќенан Алиу во гостување во емисијата „Click Plus“ на ТВ21 изјави дека ниската излезност на последните избори е резултат на разочараноста на граѓаните од политичкиот систем и естаблишментот.
„Овој момент е еден од факторите за големата незаинтересираност на граѓаните да излезат и да гласаат. Во нашата земја гласањето не е законска обврска, нема казна за оние што не излегуваат, како што е случај во некои други држави, на пример во Грција,“ рече Алиу.
Тој додаде дека граѓаните не се заситени од избори, туку разочарани од начинот на кој функционира политиката во земјата.
„Без разлика на националната припадност, луѓето се чувствуваат изневерени. Во Северна Македонија нема природен анимозитет меѓу граѓаните – ниту политички, ниту етнички. Анимозитетот го создаваат и го поттикнуваат политичките елити, без разлика која партија е на власт,“ истакна Алиу.
Според него, за да се врати довербата во институциите и изборниот процес, потребна е длабока политичка промена и вистинска отчетност на власта, а не само формални изборни натпревари.