Американски борбени авиони беа подигнати со цел пресретнување на повеќе руски летала забележани во близина на брегот на Алјаска, соопштија американските власти.
Според Северноамериканската команда за воздушна одбрана (NORAD), два руски бомбардери Ту-95, два борбени авиони Су-35 и еден шпионски авион А-50 биле откриени во Зоната за идентификација на воздушната одбрана на Алјаска (ADIZ), објави CBS.
NORAD изјави дека два борбени авиони Ф-16, два Ф-35 и четири КЦ-135 биле распоредени за да ги придружуваат руските авиони додека не ја напуштат одбранбената зона на Алјаска.