Германската канцеларка Ангела Меркел, во текот на вчерашниот ден замина во домашна изолација откако била во контакт со лице заразено со коронавирус.
Меркел е информирана дека еден доктор, со кој била во контакт во петок после пладне, е позитивен на Ковид-19.
Германската канцеларка вчера објави нови мерки за заштита против ширењето на коронавирусот, меѓу кои беа и забрана за собирање на повеќе од две лица.
И од домашен карантин Меркел им порача на граѓаните да покажат разум и да ги почитуваат правилата.