Дебел слој африканска прашина го покри градското подрачје на Атина, намалувајќи ја видливоста и создавајќи маглива атмосфера низ Атика, а прашината, во комбинација со густата облачност, ги одржуваше температурите под 23 степени Целзиусови, дури и во центарот на градот, објави денеска Екатимерини.
Според Националната опсерваторија во Атина, силните јужни ветрови, кои вчера донесоа прашина од Сахара во грчката престолнина, се очекува до крајот на денешниот ден да ослабат и да се движат на запад, што ќе помогне да се расчисти небото.
Метеорологот Јоргос Катрафилијас извести за зголемени концентрации на прашина во неколку региони, особено во Атика, Пелопонез и Крит, каде нивоата надминаа 130 микрограми на кубен метар, што е речиси три пати повеќе од безбедното ограничување.
НАЈНОВИ ВЕСТИ
