Американскиот претседател Џо Бајден вечерва на вонредната прес конференција упати предупредување до одговорните лица за денешниот напад на аеродромот во Кабул, Авганистан.
Тој им порача „Ние ве ловиме и ќе ве натераме да платите“.
„На оние што го извршија овој напад, како и на секој што сака на Америка да и наштети, знајте го ова: Нема да простиме. Нема да заборавиме. Ние ве ловиме и ќе ве натераме да платите. Ќе ги бранаме нашите интереси, а нашиот народ ќе биде под моја команда“, посочи Бајден.
Американскиот претседател на сред прес конференција оддаде почит на 12-те загинати војници со едноминутно молчење.
Претходно, разузнавачките служби предупредија дека аеродромот е најверојатно цел на терористички напад.
Како можен напаѓач се наведува огранок на ИСИС во Авганистан.