Bashkatdhetarët i gëzohen vendimit për zbritjen e policës së sigurimit

Bashkatdhetarët i janë gëzuar vendimit për zbritjen e tarifave të sigurimit kufitar të auto-përgjegjësisë që ka hy në fuqi më 1 korrik. Ata thonë se tash ndihen më mirë dhe për këtë vendim kanë falënderuar përfaqësuesit e institucioneve kosovare. Ndërsa, përfaqësues të kompanive të sigurimit kanë thënë se kjo zbritje ka ndikuar pozitivisht dhe se numri i policave dhe kohëzgjatja është më e madhe se sa në periudhën e njëjtë të vitit të kaluar.
Xhafer Berisha, përfaqësues i komunitetit të shqiptarëve në Itali, tha se për KosovaPress se zbritja e tarifave të sigurimit kufitar është një lehtësim për bashkatdhetarët.
Po ashtu, edheXhevat Isufi, një bashkatdhetar që jeton në Suedia tha se bashkatdhetarët atje kanë mirëpritur vendimin për përgjysmimin e tarifave. Ai tha për KosovaPress se edhe për kundër faktit që kanë paguar asnjëherë nuk janë kompensuar për dëmet.
Ndërsa, kryetari i komisionit për buxhet dhe financa, Naser Osmani, tha për KosovaPress se kuvendi do të mbaj premtimin dhe brenda shtatorit do të filloi me plotësim-ndryshimin e ligjit për sigurimet.
Kurse, Rrahim Pacolli , nga asambleja e byrosë së sigurimeve ka thënë që ky vendim ndikoi pozitivisht në rritjen e numrit të bashkatdhetarëve që kanë frekuentuar vendin me automjete.
Ky sigurim nuk i mbulon dëmet e shkaktuara në veturë, dëmet e shkaktuara nga personat e panjohur, dëmet e shkaktuara nga fatkeqësitë natyrore, si dhe dëmet e shkaktuara nga vetë poseduesi i këtij sigurimi, vetë rrotullisja apo nga kafshët në rrugë.