Претседателот на Соединетите Американски Држави, Доналд Трамп, утре ќе објави реципрочен тарифен план, кој ќе содржи царини за одделни земји, изјави портпаролката на Белата куќа, Каролин Левит.
„Претседателот ќе објави тарифен план кој ќе стави крај на нефер трговските практики што ја експлоатираат нашата земја со децении. Време е за реципроцитет и време е претседателот да направи историска промена за да го направи она што е правилно за американскиот народ“, им рече Левит на новинарите во Белата куќа, според Блумберг.
Таа не одговори на прашањето за стапката на реципрочни тарифи и кои земји ќе бидат засегнати.