Биљал Касами го доби вториот мандат за раководење со општината во следните четири години.
Им се заблагодари на граѓаните за поддршката и се обврза дека ќе продолжи да придонесува за развојот на градот. Ветува завршување на неколку големи проекти, како што се градскиот стадион и прочистителната станица.
„Уште сега се реализираат неколку големи проекти за Тетово, како што е градскиот стадион, кој со работите што ќе продолжат да се реализираат ќе ги увери и оние кои најмалку верувале дека ќе се изгради, поради неуспесите и измамите во минатото. Исто така, ќе продолжи реализацијата на инфраструктурните проекти, како и проектот за фекална канализација – проект вреден над 40 милиони евра за главниот колектор за отпадни води и пречистителната станица во селото Фалишт.“, рече Касами.
Во првите 100 дена Касами ветува продолжување на проектите и бесплатен јавен превоз за сите граѓани на Тетово.
„Во првите 100 дена ќе се реализира и бесплатен јавен превоз, а ветувањето што не го споменав во воведниот дел – секое дете кое ќе се запише од следната учебна година во прво одделение ќе добие 100 евра за училишни материјали. Сите ветувања што технички можат да се реализираат, ќе бидат реализирани.“, вели Касами.
На прашањето дали ќе продолжи асфалтирањето на улиците и по изборите, бидејќи временските услови не претставуваа проблем за асфалтирање за време на кампањата, Касами рече дека проектите ќе продолжат додека има можност.