Заменик на Претседателот на Владата задолжен за економски прашања Фатмир Битиќи вечерва во дебатниот магазин „Click Plus“ на ТВ21 истакна дека проблемот со јавниот превоз е во ЈСП.
„Жалам за состојбите во ЈСП и неможноста да одговори градот Скопје на уште една јавна услуга која е обврзана спрема законот за јавни услуги т.е. за Локална самоуправа да испорача како град кон своите граѓани“, вели Битиќи.
Според него, не е вистина дека Владата должи средства, односно сите обврски се направени.
„А тоа што некој може да толкува одредени законски решенија и без притоа да воопшто ја праша Владата дали има, дали може да рачуна на приходи тоа не се обврски преземени, нит се долгови“, додава Битиќи.