Британскиот парламент ги одобри пропусниците за КОВИД. Ова е победа за премиерот Борис Џонсон, и покрај жестокото противење на пратениците од неговата Конзервативна партија.
Гласањето значи дека од денеска ќе бидат потребни пропусти кои покажуваат целосна вакцинација или неодамнешни негативни тестови за пристап до многу јавни места.
Парламентот го одобри и задолжителното носење маски во повеќето затворени простори. Гласањето, исто така, го направи задолжително вакцинирањето на сите здравствени работници на островот.