Bullgaria dërgon ushtrinë në kufi me Turqinë

Bullgaria ka filluar të dërgojë rreth 1 mijë ushtarë në brezin kufitar me Turqinë, nga frika se do të vërshohet nga vala e madhe e refugjatëve, ka deklaruar Sekretari i Përgjithshëm i ministrisë së Brendshme, Georgu Kostov.
Bullgaria ka një brez kufitar me Turqinë në gjatësi prej 259 kilometra, me ç’rast rreth 30 kilometra të kufirit mbrohen nga rrethoja me tela gjemborë dhe autoritetet në Sofje planifikojnë ta zgjasin atë.
Gjatë ditëve të kaluara, me mijëra refugjatë kanë arritur në afërsi të Edirnes, në veriperëndim të Turqisë, në afërsi të kufirit me Greqinë dhe Bullgarinë. Ata synojnë që nëpërmjet Greqisë, Maqedonisë dhe Serbisë të vazhdojnë rrugëtimin e tyre drejtë Evropës Perëndimore./21 Media/