Çfarë i shkruan Jeftiq Albulenës rreth çirilikës?

НАЈНОВИ ВЕСТИ

Anëtarja e Komisionit për të Drejtat, Interesat e Komuniteteve dhe për Kthim, Jasmina Zhivkoviq ka reaguar ndaj kryetares së Komisionit për Legjislacion, Albulena Haxhiu, e cila dje ka refuzuar një shkresë me shkronja të çirilicës të sjellë në komisionin që ajo drejton.
Këtë shkresë të cilën e ka dërguar ministri i Kthimit dhe Komuniteteve në Qeverinë e Kosovës, Dalibor Jevtiq, ka pasur të bëjë me emrin e kandidatit për anëtar të këshillit për ndihmë juridike falas.
Ndaj refuzimit të kësaj shkrese, ka reaguar përmes një komunikate për media edhe vetë ministri, Jevtic, i cili ka kërkuar nga Haxhiu, të kërkoi falje ndaj popullit serb të Kosovës. Me këtë rast, ai ka ftuar të gjitha institucionet e Kosovës për të zbatuar ligjet që garantojnë të drejtat e të gjithë popujve në Kosovë.
“E nderuara zonja Haxhiu, Ju nëse nuk jeni të njohur me Ligjin për Përdorimin e Gjuhëve në Kosovë, apo nuk keni treguar interesim për ta njohur atë , të paktën një gjë keni mundur ta dini kur është fjala për gjuhën serbe dhe alfabetin e saj. Në qoftë se keni pyetur se a guxoj të shfrytëzoj atë si gjuhën time amtare, ose keni pasur dilema nëse kjo është në përputhje me Ligjin, thjesht shikoni çdo dokument personal të Kosovës dhe shikoni se në çfarë alfabeti të gjuhës serbe është i shkruar. Aty keni pasur mundësinë që pa vonesë dhe pa kërkesë shtesë të “interpretimit të Ligjit” të merrni një përgjigje. Pra, përgjigja gjendet në letërnjoftimin Tuaj”, ka shtuar Jevtiq në këtë komunikatë.