Дали во зеленчукот има забранети пестициди?! – Инспекторатите добија аларм од ЕУ за „имидаклоприд“

Додека кај нас пестицидот „Имидаклоприд“ веќе 5 години е забранет за прскање на зеленчук, пред неколку дена Хрватска алармираше дека зелките од Македонија го содржат овој опасен пестицид. Но, колку граѓаните се свесни за ова?

И производителите и трговците признаваат дека зеленчукот се прска со пестициди, но граѓаните се скептични дали тие се соодветни и безопасни по здравјето на луѓето.

На зелените пазари се уште никој не може да каже дали се безбедни за консумирање.

„Освен месо, ништо друго не е здраво. Како што рече тој, глевен на трпезата е месото, додека овие зелките, ајде! Што не е во ред со зелката? Ајде, кажи ми што е добро! Сите хемикалии и болести. Дали купувачите се жалат? Не, го даваме евтино и купуваат. А за здравствени проблеми, одете на лекар!“

Според агрономите, овој пестицид не се наоѓа во земјоделските аптеки, но најверојатно се продава на црниот пазар. Агроном објасни дека научните студии, врз основа на тестови врз животни, дошле до заклучок дека пестицидот „Имидаклоприд“ има штетно влијание врз срцето, бубрезите, тироидната жлезда и мозокот и може да предизвика невролошки симптоми, вклучително и респираторна инсуфициенција и смрт.

Ги прашавме надлежните! АХВ вчера добила известување преку Системот за брзо предупредување за храна на ЕУ за небезбеден производ извезен од категоријата овошје и зеленчук со потекло од Северна Македонија.

„Согласно добиената нотификација утврдено е дека се работи за производ свежа зелка со наод на пестицид Имидаклоприд. Земја која извести за опасноста е Република Хрватска, каде при спроведена официјална контрола на граничен премин, земениот примерок за лабораториската анализа покажал присуство на забранетиот пестицид Имидаклоприд.„“, велат од АХВ.

Од Агенцијата за храна и ветеринарство велат дека инспекциските служби ќе вршат надзор над увозникот за да се утврди производителот на спорниот производ кој се уште не е вратен во земјава, а за кој извозникот има можност безопасно да ги уништи спорните количини.

Со одлука на Комисијата на ЕУ е забранета употреба на овој пестицид во сите култури кои се одгледуваат надвор.

„Токсичноста на имидаклоприд се зголемува со периодот на изложеност, како и со дозата, што е опишана како „временска кумулативна токсичност“, и тоа не треба да се разбере само од аспект на акутната смртност, туку треба да биде и хроничен аспект“, се вели во одлуката на Комисијата на ЕУ.

Но, и од оваа агенција и од Институтот за фитопатологија не потенцираат дали истите забранети пестициди се користеле и на домашниот пазар за овошје и зеленчук, со што би се загрозило здравјето на граѓаните.