Вчера тука во Копенхаген се одржаа парламентарни избори, но не сме дојдени да зборуваме за таа тема. Тука сме за фудбалскиот натпревар помеѓу репрезентацијата на Данска и репрезентацијата на Македонија.
Атмосферата во градот е мирна. Времето е типично скандинавско, со просечна температура од околу 8 степени Целзиусови, слаб ветер и повремена облачност – услови кои не се невообичаени за фудбал во овој период од годината.
Натпреварот ќе се одигра на стадионот „Паркен“, каде се очекува голем број домашни навивачи, но нема да изостане ниту поддршката за репрезентацијата на Македонија. Ова соочување се смета за сериозен тест за Македонија, против противник кој традиционално е многу силен на домашен терен.
Данската репрезентација влегува како фаворит на хартија, но Македонија во неколку наврати покажала дека знае да изненади посилни противници, особено кога игра организирано и со тактичка дисциплина. Селекторот се очекува да се потпре на повнимателен пристап, барајќи шанси преку контранапади.
Останува да се види дали овој натпревар ќе ги оправда очекувањата или ќе донесе уште едно изненадување од страна на репрезентацијата на Македонија.
Победникот од оваа пресметка ќе се пласира во финалето на плеј-офот, каде ќе се соочи со победникот од другиот дуел, Чешка – Ирска, за место на Светското првенство 2026. Натпреварот се игра во четврток во 20:45 часот.