Дејан Георгиевски го донесе вториот олимписки медал од Олимписките игри во самостојна Македонија. По Могамед Ибрагимов во 2000 година во Сиднеј, годинава Георгиевски донесе медал, и тоа сребрен за нашата земја.
Георгиевски во финалето на таеквондо над 80 килограми, загуби од Русинот Владислав Ларин со 15:9.
Ова е прво сребро за Македонија, и најблескаво одличје, затоа што Ибрагимов освои бронза во Сиднеј пред 21 година.