Поранешниот аргентински репрезентативец Анхел Ди Марија смета дека Лионел Меси треба да продолжи да настапува за националниот тим сè додека самиот го посакува тоа.
„Момците од репрезентацијата заслужуваат многу повеќе од обичен аплауз за сè што постигнаа во овој период. Бев загрижен за време на секој натпревар на Светското првенство 2026. Овој тим секогаш пронаоѓаше нешто посебно во себе што му помагаше да победува. Во финале понекогаш победуваш, понекогаш губиш. Овојпат не успеаја, но мислам дека репрезентацијата повторно високо го крена знамето на Аргентина.
Меси треба да игра за репрезентацијата онолку долго колку што ќе сака. Верувам дека може да игра уште многу години. На 39-годишна возраст покажа дека и понатаму е еден од најголемите фудбалери во историјата. За него повеќе нема граници. Селекторот Лионел Скалони е симбол на оваа аргентинска репрезентација. Искрено се надевам дека Скалони ќе остане“, изјави Ди Марија за Sport.es.
По финалето на Светското првенство 2026, кое Аргентина го загуби од Шпанија со 1:0, се појавија информации дека Меси повеќе нема да настапува за националниот тим.
На Мундијалот 2026, Меси постигна осум голови и запиша четири асистенции на осум натпревари.