Францускиот претседател Емануел Макрон денес ја прифати оставката на директорката на музејот Лувр, Лоренс де Каре која беше цел на критики по грабежот на францускиот кралски накит во тој музеј.
Според соопштението, Макрон ја пофалил нејзината одлука да поднесе оставка како чин на одговорност во време кога на најголемиот музеј во светот му е потребен мир и силен нов поттик за спроведување големи проекти поврзани со безбедносните подобрувања, модернизација и други иницијативи.
На крадците им беа потребни помалку од осум минути минатиот октомври за да украдат кралски накит во вредност од 88 милиони евра за време на викенд грабеж во најпосетуваниот музеј во светот, веднаш по неговото отворање.
Таа акција го шокираше светот. Полицијата успеа доста брзо да ги уапси крадците, но накитот сè уште не е пронајден.