Diskutohet projektligji për kthimin e dokumenteve kadastrale nga Serbia

Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, kryesuar nga kryetarja Albulena Haxhiu, në mbledhjen e sotme ka shqyrtuar Projektligjin për Agjencinë Kosovare për Krahasim dhe Verifikim të Pronës, ku ka raportuar ministrja pa portofol Edita Tahiri.
Sipas komunikatës së shërbimit parlamentar për marrëdhënie me publikun, ministrja Tahiri ka theksuar se ky projektligj buron nga procesi i dialogut për normalizimin e marrëdhënieve mes Kosovës dhe Serbisë, me theks të veçantë nga marrëveshja për kthimin e dokumenteve kadastrale që Serbia i ka marrë gjatë luftës në Kosovë. Kjo marrëveshja ishte arritur në vitin 2011 dhe ende nuk është zbatuar.
“Obligimi ynë ka qenë që të krijojmë një agjension teknik për të krahasuar dhe verifikuar dokumentet që kthehen nga Serbia me databazën ekzistuese të shtetit të Kosovës për kadastrën. Kemi pasur parasysh faktin që këto dokumente kane qenë në Serbi mbi 15 vjet dhe ka mundësi që të ketë pësuar ndryshime dhe probleme tjera. Andaj, verifikimi duke e krahasuar me dokumentacionin ekzistues që ne kemi, na jep mundësinë për të parë se sa janë të besueshme këto dokumente.”, ka theks uar ministrja Tahiri, duke folur më tej edhe lidhur me përfaqësimin e ndërkombëtarëve në këtë agjension.
“Ka të bëjë me rolin mbikëqyrës që në kohën kur Komisioni për krahasim dhe verifikim do të trajtojë dokumentet e kthyera dhe nëse evidentohen parregullsi, do të ketë mundësi të ketë dëshmitarë evropian për këtë. Dhe, me këtë rast, si të tilla, besueshmëria pastaj duhet t’i takojë Kosovës.”, tha ajo, duke shtuar se nuk beson që dokumentacioni i Kosovës për kaq vite që ka qëndruar atje, ka mbetur i tillë dhe i paprekur.
Tahiri tha se mendon se ka pasur elemente të manipulimeve, ndërsa ka përmendur edhe gjendjen e pasluftës në Kosovë, atë të marrjes së pronave në mungesë të shënimeve të kompletuara të kadastrës.
Sa i përket kritikave të anëtarëve të Komisionit lidhur me përfaqësimin ndërkombëtar në këtë agjension, duke përmendur faktin e përfundimit të mbikëqyrjes së pavarà «sisë nga ndërkombëtarët, Tahiri ka thënë se përfaqësim të ndërkombëtarëve ka vetëm në bord dhe në komisione.
“Agjensioni do të ketë dy komisione, atë për krahasim e verifikim të pronës, si dhe do të ketë një komision për çështje pronësore, që është transformimi i agjensionit të mëparshëm. Kjo ka të bëjë me nevojën që të krahasojmë çka po na kthehet nga Serbia, meqë janë 12 milionë faqe të dokumenteve kadastrale.”, tha Tahiri , ndërkaq sqaroi se Gjykata Supreme e jep fjalën e fundit lidhur me vendimet që mund të mirren në atë komision.
Ajo ka bërë të ditur se Komisioni për krahasim dhe verifikim përbëhet nga pesë anëtarë, tre vendorë dhe dy ndërkombëtarë, si dhe një anëtar nga radhët e komunitetit joshumicë.
Tahiri ka vlerësuar se ky është obligim ndërkombëtar duke përmendur me këtë rast edhe Letërkëmbimin mes Presidentes së vendit dhe Baroneshës Ashton.
Ministrja Tahiri duke kërkur mbështetje të këtij projektligji, tha se edhe po të garantojë Serbia besueshmërinë e dokumenteve, ajo nuk i beson një shteti okupator. Sipas saj dokumenti që do të kthehet në Kosovë do të ketë kopjet e skanuara dhe të vërtetuara nga BE-ja.
“Kur dokumentet të kthehen në Kosovë, atëherë mund të krahasohen me dokumentet që disponon databaza e Agjensionit Kadastral”, tha ajo.
Kryetarja e Komisionit, Albulena Haxhiu, duke e vlerësuar këtë projektligj si tejet problematik , si në aspektin e kushtetutshmërisë ashtu edhe në aspektin politik, ka thënë se nëse Kuvendi miraton këtë Projektligj, atëherë ai po legalizon aktin e vjedhjes dhe plaçkitjes së dokumenteve të Kosovës. Ajo po ashtu ka përmendur edhe përmbylljen e mbikëqyrjes së pavarësisë nga ndërkombëtarët, duke theksuar se po themelohet një agjenci që do të ketë përfaqësim të ndërkombëtarëve.
Milena Miliqeviq ka kërkuar sqarime nga mini strja Tahiri për përfaqësimin e anëtarëve në këtë agjension nga radhët e komunitetit serb, meqë siç është shprehur ajo, bëhet fjalë për një numër të lartë të kërkesave për prona nga ky komunitet.
Anëtari i Komisionit, Armend Zemaj, fillimisht ka përmendur faktin se pas luftës në Kosovë janë keqpërdorur pronat shoqërore e private , ndërsa tha se nevoja për këto krahasime dhe verifikime të librave kadastral nga grabitja e dhunshme dhe padrejtë e shtetit serb, sado që të zgjasë, problematika do të shtohet. Andaj, ai ka thënë se duhet përkrahur këtë ligj.
Anëtarja e Komisionit Donika Kadaj -Bujupi, fillimisht ka shfaqur kritika për rritjen e numrit të agjensioneve nëpër institucione, për shkak se sipas saj, po i kushtojnë shumë buxhetit të Kosovës. Ndërkaq, kërkoi sqarime për periudhën e operimit të këtij agjensioni.
Agim Aliu ka theksuar se ka pasur pasoja të jashtëzakonshme në vend sa i përket pronave, në mungesë të këtij ligji. Ai po ashtu ka kërkuar sqarime për mënyrën e verifikimit të gjendjes, meqë është bërë ndryshimi i fakteve në librat kadastral të cilin e posedon Serbia.
Pas shterimit të diskutimit, anëtarët e Komisionit formuan grupin punues për Projektligjin për Agjencinë Kosovare për Krahasim dhe Verifikim të Pronës, thuhet në njoftim.