Извршниот директор на Дизниленд, Боб Чапек очекува дека најголемиот забавен парк во светот, Дизниленд, ќе биде отворен до крајот на април, благодарение на одлуката на властите во Калифорнија да ги релаксираат епидемиолошките мерки по падот на бројот на заразени коронавируси во таа земја, пренесува СЕЕбиз.
- Се надеваме дека ситуацијата ќе продолжи да се подобрува и дека ќе можеме да ги отвориме нашите паркови за посетителите до крајот на април, со ограничен капацитет – вели Чапек.
Тој изјави дека датумот на отворање на Дизниленд ќе биде објавен во следната недела.
Калифорнија во петокот објави дека Дизниленд и другите забавни паркови, затворени поради пандемија пред една година, може да се отворат на 1 април доколку нивниот округ повеќе не е во „темно црвената зона“, област со најголем ризик според калифорниските стандарди.