Dogana realizoj 372 milion euro të hyra

Importi i miellit dhe i grurit nuk kishte ndikuar tek të hyrat e doganës së Kosovës. Të hyrat në këtë institucion janë realizuar deri më tani sipas planifikimit.
Dogana ka realizuar mbi 372 milion euro të hyra vetëm për gjashtëmujorin e parë të këtij viti.
Drejtori i doganës së Kosovës, Lulzim Rafuna, në një intervistë për “KosovaPress”, përveç se jep këto të dhëna flet edhe për ankesat që ka marrë Dogana.
Ai, nuk le pa përmendur edhe rastin e kontratës për blerjen e pajisjeve të veturave, për të cilën thotë se ka ndëshkuar oficerët doganor të sektorit të prokurimit.
E për rastin e kontratës për blerjen e pjesëve të veturave të cilat dogana i kishte kontraktuar për furnizim me filtra të automjeteve të doganës, ku për copë në treg kanë kushtuar 5 euro ndërsa dogana kishte kontraktuar me çmim për copë prej 45 euro, Rafuna thotë të ketë ndarë ndëshkime.
Thotë se për të ka qenë kontrata e parë që ka shkëputur.
Rafuna ka thënë se Dogana për këtë gjashtë mujor ka arritur të tejkaloj të hyrat.
Rafuna, nuk e di sa është numri i rasteve të proceduara në gjykata nga ana e bizneseve por e di që ka rënë numri i ankesave.
Ai po ashtu ka thënë se rivlerësimi i mallrave bëhet vetëm 8 për qind.