Според податоците од „Статистичкиот годишник на Република Северна Македонија 2025“ на Државниот завод за статистика, просечното македонско домаќинство брои 3,05 членови, од кои во работен однос е само еден член.
Истражувањето покажува дека просечно 1,15 членови се издржувани, а 0,67 членови имаат лични приходи. Самовработени лица се 0,03, додека активни земјоделци се само 0,07 на семејство.
Овие податоци ја прикажуваат реалната слика на македонското семејство – со ограничен број активни вработени, што значи дека секој вработен во просек издржува повеќе од двајца членови од семејството.