Европската Комисија очекува од Македонија да одреди дополнителни капацитети од постоjните 2000 за привремено сместување на бегалците од блискиот исток. Во објавената прелиминарна листа, само Австрија, Словенија, Хрватска и Србија доставиле бројка на дополнителни постоечки капацитети од постојните. Австрија понуди 5000, Хрватска и Словенија по две илјади, а Србија околу три илјади места за прием и привремено сместување на нови бегалци на западно-балканската рута. Тоа е вкупно 12 од 50-те илјади бегалци што земјите од Балканот, вклучително и Македонија, се обврзаа на неделниот мини-самит во Брисел дека ќе ги сместат на привремен период. На прашањето зошто ја нема Македонија во земјите кои уште вчера се обврзале на одредена бројка за прием и сместување на бегалци, од Еврокомисијата објаснија дека се инсистирало на нови сместувачки капацитети, а не на постојните.