Експлозија на плинска боца предизвика пожар во една куќа на улицата „Првомајска“ во Делчево.
Од куќата изгорела една соба, а протипожарната екипа го примила повикот во 19:20 часот.
-Во гaснењето на пожарот учествуваа три возила и шест пожарникари при што пожарот беше навреме изгаснат, а со тоа и оневозможен да се прошири на останатиот дел од куќата, како и на околните објекти, информираат од противпожарната служба.
Додаваат дека за среќа во пожарот нема повредени лица.Ова е втор пожар за една недела во Делчевско. Во пожар кој пред неколку дена се случи во делчевското село Тработивиште беше опожарена сушара, сопственост на жител на селото.