Двајца полицајци и уште едно лице загинаа во експлозија на автомобил во Москва, соопшти рано утрово рускиот Истражен комитет, кој истражува сериозни кривични дела.
Властите претходно соопштија дека експлозијата се случила во близина на местото каде што оваа недела беше убиен висок руски генерал, генерал-потполковник Фанил Сарваров , објави „Гардијан“ .
Снимките емитувани на руската телевизија покажаа оградена област и десетици полициски возила. Сведоците изјавија дека експлозијата се случила околу 1:30 часот по локално време.
Генералот Сарваров беше убиен оваа недела кога бомба експлодираше под неговиот автомобил во јужна Москва – напад за кој руските истражители веруваат дека веројатно го извршила украинската разузнавачка служба. Автомобилот на Сарваров експлодираше додека возел по улицата Јасенева околу 7 часот наутро во понеделник.
Two traffic police officers and a third person have been killed in a car explosion in Moscow, Russia’s Investigative Committee, which probes major crimes, said early on Wednesday. pic.twitter.com/HiwNkKMz1u
— Mehr News Agency (@MehrnewsCom) December 24, 2025