Причината за експлозијата што вчера сериозно ја оштети железничката линија Варшава-Лублин е саботажа, објави денес полскиот премиер Доналд Туск.
„Железничката линија беше уништена од експлозивна направа. Службите за итни случаи и обвинителството работат и се упатија на местото на настанот. Штетата е утврдена и поблиску до Лублин на истата рута“, напиша Туск на социјалната мрежа X.
Локалната полиција вчера извести дека машиновозач пријавил оштетување на железничката пруга во централна Полска.
Варшава претходно изјави дека нејзината улога како центар за помош на Украина во руската војна ја направила цел на саботажа. Москва постојано го негираше ова.
Polish PM Tusk: Blowing up of the railway track on the Warsaw-Lublin route is an unprecedented act of sabotage aimed at the security of the Polish state. pic.twitter.com/IRkRr3Xf4E
— Polymarket Intel (@PolymarketIntel) November 17, 2025