МАРОКО ја победи Португалија со 1:0 во четвртфиналето на Светското првенство. Големите Мароканци славеа со голот на Јусеф Ен-Несири во 42. минута. Тој гол беше доволен Португалија да биде елиминирана и нејзиниот капитен Кристијано Роналдо да заврши во солзи. За 37-годишниот Португалец тоа беше последното светско првенство, кое на крајот не успеа да го освои.
„Напорно се борев за овој сон“
Ден по натпреварот Роналдо на социјалните мрежи објави: „Освојувањето на Светското првенство со Португалија беше најголемиот и најамбициозен сон во мојата кариера. За среќа, освоив многу меѓународни титули, вклучително и за репрезентацијата, но мојот најголем сон беше да го издигнеме името на нашата земја на највисоко светско ниво. Се борев за тоа. Се борев многу за овој сон“.
„Во петте настапи на светските првенства во текот на 16 години, секогаш со одлични соиграчи и поддршка од милиони Португалци, дадов се од себе. Оставив се на теренот. Никогаш не бегав од борбата и никогаш се откажа од тој сон. За жал, вчера сонот заврши“.
Роналдо: Сонот беше убав додека траеше
„Не вреди да се реагира со жестоки глави. Само сакам сите да знаат дека многу е кажано, многу напишано, многу шпекулирано, но мојата посветеност на Португалија не се промени ниту за момент. Отсекогаш сум бил повеќе личност кој се бореше за сечија кауза и никогаш не би им го свртел грбот на моите соиграчи или на мојата земја“.
“Засега нема што повеќе да се каже. Ви благодариме Португалија. Ви благодариме Катар. Сонот беше убав додека траеше… Сега е време да оставиме секој да донесе свои заклучоци”, напиша Роналдо. За Роналдо ова беше 195. настап за Португалија од 2003 година, но неговата кариера ќе заврши без титула светски првак.