Европската комисија воведува контрамерки откако во средата стапија на сила американските царини за увоз на челик и алуминиум од ЕУ.
„Со оглед на тоа што САД применуваат царини во вредност од 28 милијарди долари, ние одговараме со контрамерки во вредност од 26 милијарди евра.“, велат од Европската комисија.
„Комисијата жали за одлуката на САД, и ги сметаме овие одлуки за неоправдани, нарушувачки за трансатлантската трговија и штетни за бизнисите и потрошувачите, што често доведува до повисоки цени“, соопшти Комисијата.
Комисијата ќе ги активира постоечките контрамерки против Соединетите Држави кои беа суспендирани во 2018 и 2020 година од 1 април.
Овие мерки се насочени кон низа американски производи како што се мотоцикли, бурбон и чамци и се одговор на економската штета вредна 8 милијарди евра предизвикана од извозот на челик и алуминиум од ЕУ.