Украина ја совлада Македонија на вториот натпревар на ЕУРО 2020 во Букурешт. Украинците благодарение на првото полувреме стигнаа до победата. Во првите 45. минути Украина имаше 2:0, со два брзи гола на Јармоленко во 29-тата и на Јаремчук во 33. минута.
Украина во првиот дел имаше шанси за поубедливо водство, но на нашиот гол блескаше Столе Димитриевски.
Во вториот дел далеку подобра Македонија. Две замени и веднаш раздвижување на напаѓачките редови. Пенал за Македонија во 56. минута, а претходно пречка на Трајковски. Алиоски го искористи пеналот, но од втора (првиот обид го одбрани Бушчан).
Во финишот од средбата пенал и за Украина, но Столе Димитриевски одбрани, и ја остави Македонија во живот, но до крајот промена на резултат, за жал, немаше.