ФФМ: Искрено сочувство и молитва за утеха на семејствата на загинатите во големата несреќа

ПОСЛЕДНИ ВЕСТИ

Трагичен случај ја потресе македонската држава. Во сообраќајна несреќа трагично згаснаа животите на многу наши сограѓани. Фудбалската федерација на Македонија и целото фудбалско семејство изразуваат длабоко сочувство до семејството и пријателите на лицата кои трагично ги загубија своите животи. Испраќаме молитва за утеха на семејствата на загинатите, а на повредените им посакуваме брзо опоравување, објави ФФМ

Претходно, од „Куќата на фудбалот“ соопштија дека поради големата автобуска несреќа која се случи во раните утрински часови во Бугарија, а во која животот го загубија македонски граѓани, планираните четвртфинални натпревари од Купот на Македонија закажани за 24 ноември 2021 година се пренасочуваат за одигрување на 1 декември 2021 година со почеток во 13 часот.