Филипче: Земјава бележи зголемување на заболени од ковид-19

НАЈНОВИ ВЕСТИ

Министерот за здравство Венко Филипче денеска на прес конференција во Владата информираше за епидемилошката состојба во земјава.

Тој вели дека се бележи зголемување на новодијагностицирани од ковид 19 во последните две недели.

„Во однос на инциденцата последните 2 недели, е зголемена за 28, 5 во вкупно 35 градови, а во други 7 е непроменета или има одредено намалување. Ваквиот раст е очекуван, силен удар има и кон болниците исто како и во регионот. Во однос на хоспитализацијата, исто така бележи раст за 15 проценти, сега се хоспитализирани 518 пациенти после долг период на територијата на цела држава, добро е што нема голем притиок и нагол пораст на пациенти“, истакна Филипче.

Тој додава дека до крајот на неделата ќе заврши постапката за секвенционирање на вирусот со цел да се види каква мутација сега е доминантна.