Претседателката на Европската комисија Урсула фон дер Лајен денеска пред Европскиот парламент изјави дека Европската унија ги има сите инструменти на маса за да одговори на американските царини доколку е потребно, бидејќи светот го чека објавувањето на новите трговски мерки од администрацијата на американскиот претседател Доналд Трамп.
„Европа не ја започна оваа конфронтација. Мислиме дека тоа е погрешно. Имаме се што ни е потребно за да го заштитиме нашиот народ и просперитетот. Имаме најголем единствен пазар во светот. Имаме моќ да преговараме. Имаме моќ да одговориме на американските царини“, рече Фон дер Лајен во Стразбур.
Шефот на Комисијата истакна дека „сите инструменти се на маса за контрамерки“ и предупреди дека тарифите „само ќе поттикнат инфлација, токму спротивно од она што сакаме да го постигнеме“.
„Ние не мора да сакаме да преземеме контрамерки, но ако тоа е неопходно, имаме силен план и ќе го спроведеме“, рече фон дер Лајен за време на дебатата со европратениците за заклучоците од неодамнешниот самит на ЕУ.