Германскиот регулатор денес го казни „Амазон“ со 59 милиони евра, тврдејќи дека американскиот гигант нелегално им ги диктирал ценовните политики на трговците на мало.
Амазон продава стоки сам, но неговата платформа Marketplace ја користат и други трговци.
Американскиот гигант држи приближно 60 проценти од германскиот пазар за онлајн малопродажба и веќе доби наредба од регулаторот да ја промени спорната практика за да избегне ограничување на конкуренцијата и штета на потрошувачите.
Независните трговци нудат приближно 60 проценти од производите и се одговорни за своите цени и го сносат економскиот ризик, нагласи канцеларијата.
Регулаторот предупредува дека „Амазон“ се натпреварува директно со другите трговци на мало на својата платформа, па затоа неговото влијание врз одредувањето на цените на конкурентите, дури и преку поставување на ценовен плафон, е дозволено само во апсолутно исклучителни случаи.
Таков исклучок е, на пример, зголемувањето на цените на производите врз основа на доминантната позиција на компанијата, забележуваат тие.