Германскиот канцелар Фридрих Мерц денес за прв пат ќе седне во Овалната соба со американскиот претседател Доналд Трамп, во време кога повторно се појавуваат голем број чувствителни меѓународни прашања.
Трамп повторно ѝ се закани на Европската Унија со царини, војната во Украина продолжува со несмален интензитет, а Израел е под зголемен притисок поради хуманитарната катастрофа во Газа.
Откако ја презеде власта, Мерц ги посети клучните европски престолнини – Париз, Лондон и Варшава, каде што позираше со Емануел Макрон, британскиот премиер Кир Стармер и полскиот премиер Доналд Туск во Киев покрај украинскиот претседател Володимир Зеленски, како симбол на европската солидарност.
Досега Мерц и Трамп комуницираа преку телефон, но само фотографиите од ракување и блицовите на фотоапаратот ќе го симболизираат почетокот на нова фаза во германско-американските односи.
Германија останува економската велесила во Европа, а Мерц ја редефинира својата улога како клучен фактор во европската безбедност, вклучително и зголемување на воените трошоци и исполнување на барањата на Трамп кон членките на НАТО. Затоа овој состанок се смета за исклучително важен.