Хрватска испраќа авион „Канадер ЦЛ-415“ од хрватските воздухопловни сили со два екипажа во Израел за да помогне во гаснењето пожари, соопшти денес Министерството за одбрана.
„По наредба на вицепремиерот и министер за одбрана Иван Анушиќ, авион „Канадер ЦЛ-415“ од хрватските воздухопловни сили со два екипажа, вкупно 11 припадници на хрватските вооружени сили, ќе биде испратен во Државата Израел за да помогне во гаснењето на пожарот“, се вели во соопштението на Министерството за одбрана.
Шумски пожари се проширија во понеделникот на периферијата на Ерусалим, принудувајќи евакуација на заедниците и затворање на голем автопат, додека Израел апелираше за меѓународна помош за борба против пожарите, објави Ројтерс.
A national state of emergency has been declared here in Israel due to the fires. Praying for everyone’s safety. 🙏🏻 pic.twitter.com/l8DdvyiKr7
— Montana Tucker (@montanatucker) April 30, 2025
Барањето на Израел
Министерството за одбрана во соопштението наведува дека Хрватска испраќа помош врз основа на барањето на Израел.
Israel is engulfed by devastating wildfires
— NEXTA (@nexta_tv) April 30, 2025
Authorities are evacuating local residents, and the road to Jerusalem has been blocked.
Greece, Croatia, Cyprus, and Italy have already sent assistance. Strong winds are fueling the rapid spread of the fire. pic.twitter.com/rQ6kfFSCq5
Израелскиот премиер Бенјамин Нетанјаху изјави дека се очекува Италија и Хрватска да испратат три противпожарни авиони за да помогнат во гаснењето на пожарот. Израел, исто така, апелираше до Грција, Кипар и Бугарија, соопшти Министерството за надворешни работи, објави Ројтерс.
Израелските медиуми објавија дека 120 противпожарни и спасувачки служби мобилизирале десетици тимови, авиони и хеликоптери за да се обидат да ги локализираат пожарите, а војската соопшти дека нејзините сили за пребарување и спасување помагаат во операциите.