Гром удрил во близина на плажата Оревче кај Градиште денеска околу 15 часот, при што има повредени, а повеќе граѓани претрпее шок, објави Охрид Њуз.
Како што информира СВР Охрид, на последици се пожалиле 13 лица. Четворица се здобиле со изгореници на долните и горни екстремитети, а останатите се пожалиле на претрпен шок, страв, тахикардија и проблеми со слухот.
Дел од повредените биле пренесени во болница со возила на брза помош, а дел се јавиле на лекар самостоjно. Повредените се од различни градови од земјава.
Во Охридскиот регион и денеска имаше краткотрајно невреме проследено со врнежи од дожд, град, ветер и електрични празнења.