Аналитичарот Фатон Халили во синоќешната емисија Click Plus, зборувајќи за последните случувања во Алијанса за Албанците и пошироко, оценува дека секој политички блок што ги губи изборите може да се распадне. Тој вели дека, освен Илир Демири кој ќе дејствува како независен пратеник, ќе има и други движења од експоненти на партиите. Халили упатува и критики кон политичарите кои трчаат по власт без конкретни идеи.
–Не само неговиот потег, туку и неколку други потези ќе бидат преземени од други експоненти на некои партии. Ќе ги почекаме развојот на настаните, и токму во изборната ноќ овде кај вас најавив дека кој било блок што ќе претрпи пораз, ќе се соочи со распаѓање, вели Фатон Халили, аналитичар.
Новинарката: Дали мислите дека ќе има и други движења?
Халили: Апсолутно да, и тоа е најголемото зло кај Албанците – што се заведуваат по моќта, без некоја конкретна идеја. И за господин Демири, кого го спомнавте – почит за неговата работа како професионалец. Не само во Тетово, туку и пошироко, но во политички аспект сметам дека треба да поднесе оставка за да го насочи мандатот кон соодветната партија, а потоа да размислува за некој друг политички потег.
Аналитичарот Ибрахим Мехмети изрази загриженост за политичката ситуација, при што, според него, Албанците го загубиле минималното координирање на дејствијата.
–Ова навистина е болно, затоа што цело време зборуваме за тоа што ни се случува, но мислам дека сега е моментот да видиме што ќе ни се случи нам понатаму, што нè очекува. Ми се чини дека не нè очекуваат добри работи, затоа што Албанците во целост го изгубија минимумот на усогласување на работите, вели Ибрахим Мехмети, аналитичар.
Пред два дена, пратеникот на Алијанса за Албанците, Илир Демири, одлучи да дејствува како независен пратеник во Собранието. Ова, според него, не значи напуштање на Алијансата за Албанците, туку иницијатива за обединување на пратениците на Алијанса за Албанците во една пратеничка група, за што соопшти дека веќе започнал разговори.