Хамас се закани: Одмаздата ќе биде брутална

НАЈНОВИ ВЕСТИ

Военото крило на Хамас, бригадите Касам, го окарактеризира убиството на политичкиот водач на групата Исмаил Ханије како „опасен настан“ кој ќе има последици за целиот регион на Блискиот Исток и предупреди дека Израел „ќе плати со својата крв“ за агресијата.

„Криминалното убиство на водачот на Ханије во срцето на иранската престолнина е значаен и опасен настан што ја префрла битката во нови димензии и ќе има големи последици во целиот регион“, се вели во соопштението на Бригадата.

Се додава дека „злосторникот Нетанјаху, заслепен од илузиите на величественост, го води окупаторскиот ентитет кон бездната“ и го забрзува колапсот на Израел и неговото трајно отстранување од окупираните палестински територии, пренесува Ал Џезира.

Во соопштението се нагласува дека „континуираните злосторства“ на Израел резултираат со широка меѓународна поддршка за палестинскиот народ и неговиот отпор кон окупацијата.

„Непријателот направи грешка со проширување на опсегот на агресија, убивање водачи на отпорот на различни арени и кршење на суверенитетот на регионалните држави“, предупредија бригадите Касам.