Деновиве ќе завршат консултациите, и Владата ќе излезе со предлог за нов јавен обвинител. Ова го кажа денеска премиерот Христијан Мицкоски на обраќање по повод поставувањето на камен-темелник на нов кампус на Универзитетот „Мајка Тереза“ во Скопје.
„Следната недела очекуваме да завршат консултациите, и да излеземе со предлог име кое ќе го испратиме во Парламентот“, изјави Мицкоски.
Новиот јавен обвинител ќе го наследи Љупчо Коцевски кој поднесе оставка во декември минатата година.