Indonezi: Rrëzohet aeroplani mbi hotel, 38 të vdekur

Së paku 38 njerëz kanë vdekur kur aeroplani Herkules ka rënë në një hotel në qytetin Medana në Sumatra ka deklaruar Kryqi i Kuq i Indonezisë.
“Kemi pranuar 38 trupa, përfshirë edhe një fëmijë. në bazë të raporteve të para ka edhe shumë viktima në vendin e ngjarjes”, ka thënë Eko Triandi, i cili ka ndihmuar ekipeve të shpëtimit në spitalin e qytetit.
“Aeroplani ka fluturuar shumë ulët. Ka pasur zjarr dhe tym të zi. Herën e tretë e ka goditur kulmin e hotelit dhe në atë moment ka eksploduar”, i ka thënë Reutersit një dëshmitar.
Ndërtesat në afërsi në zonën e rënies janë shumë të shkatërruara, ndërsa veturat kanë mbetur të djegura.