Од еден до пет, Верица Данчевска, професорка на Техничкиот факултет во Битолa, ја оценува патната инфраструктура во нашата земја со тројка или четворка.
Во врска со автопатот Кичево-Охрид, таа вели дека треба да се заврши што е можно поскоро, додека причините за доцнењето ги гледа како политика бидејќи владата и министерот се сменија, а проектот не е завршен.
Автопатот Кичево-Охрид, дел од Коридорот 8, е во изградба повеќе од 10 години и работите сè уште не се завршени. Претходната влада вети дека ќе биде завршен на почетокот на 2025 година. Но, потоа рокот за завршување го пролонгираа за 2027-ма.