Исчезна воениот авион во кој се наоѓаше потпретседателот на Малави

ПОСЛЕДНИ ВЕСТИ

Воениот авион во кој се наоѓаше потпретседателот на Малави Саулос Чилима и уште девет лица исчезна, а потрагата е во тек, соопштија од кабинетот на претседателот.

Авионот со потпретседателот Саулос Чилима го напушти главниот град Лилонгве, но не слета на својата дестинација – меѓународниот аеродром Мзузу, околу 370 километри северно.

Воздухопловните власти изгубиле контакт со авионот кога исчезнал од радарот, се вели во соопштението од кабинетот на претседателот на Малави Лазар Чаквера.

Чаквера нареди операција за пребарување и го откажа патувањето на Бахамите, се додава во соопштението.