По многу децении, албанскиот јазик повторно се слушна на верска литургија во една црква во Горна Река.
Ова се случи на литургијата што се одржа за празникот „Богојавление “ во црквата „Пресвета Богородица“ во селото Ростуше.
На светата литургија како гостин присуствуваше и отец Никола Кoдeли од Албанија, кој дел од службата ја одржа на албански јазик.
На видеото објавено на Facebook-страницата „Бигорски манастир – Св. Јован Крстител“ видеата се уредени и не се слуша литургијата, но во соопштението на Манастирот стои дека „на годинешниот празник учествуваа и гости и псалти од Албанија, кои го отпеаја тропарот на Богојавление и на албански јазик“.
На верската служба присуствуваше и амбасадорот на Албанија во Македонија, Денион Меидани, кој го оцени овој ден како момент со длабоко духовно значење, што пренесува пораки за обновување, чистење и надеж, и ја истакнува вредноста на добрината, солидарноста, братството и меѓусебната грижа што нѐ обединува како општество.
Зошто ова доби толкаво внимание?
Причината е големата, често и тивка дебата за православните Албанци од Горна Река, асимилирани во Словени. Малкумина имаа храброст да зборуваат за тоа, меѓу кои се и Бранислав Синадиновски и Бранко Манојловски.
Овој последниот, раскажувајќи спомени од детството, објаснуваше дека кога се собирале во црквата „Св. Никола“ во селото Кичиница, сите православни верници зборувале албански.
„Горна Река и албанскиот јазик одат заедно илјадници години, од кога постојат. Но, со менувањето на времињата, дојде комунизмот, луѓето почнаа да се иселуваат во градовите, и се појави проблем кога дел од населението ја смени верската припадност – голем дел станаа муслимани, а двајца браќа, еден стана муслиман, а другиот остана православец, па постепено се оддалечија според верата. Овој православец изгледаше поблиску до Словените, бидејќи бил од иста вера“, рече Манојловски.
За овој процес се направени и бројни историски и научни истражувања, кои покажуваат асимилација и албански корени во Горна Река. Најпозната фигура од овие краишта е просветителот Јосиф Багери.