Израелската војска ги пресретна флотилата „Глобал Сумуд“, кои носат хуманитарна помош за Газа, додека се приближуваше кон палестинската територија.
„Тука можете да видите како (Израел) пресретнува еден од нашите бродови“, рече француската европратеничка Рима Хасан, која е на еден од бродовите, во видео објавено на социјалните мрежи.
Во пренос во живо на официјалниот канал на флотилата, членови на екипажот од различни бродови беа видени како носат елеци за спасување и седат во круг, чекајќи да бидат пресретнати.
Флотилата, која се состои од повеќе од 50 бродови и исплови во август, носи пропалестински активисти од целиот свет, вклучувајќи ја шведската активистка Грета Тунберг и неколку членови на Европскиот парламент.
Италијанската премиерка Џорџија Мелони во вторник предупреди дека постапките на флотилата би можеле да го загрозат мировниот план за Газа предложен од американскиот претседател Доналд Трамп.
Меѓу членовите се италијанските европратенички Бенедета Скудери (Зелените) и Анализа Корадо (Си-Д), како и француските европратенички Мелиса Камара (Зелените) и Рима Хасан (Левичарскиот блок).