Во Основниот граѓански суд во Скопје денеска се одржуваше граѓанска парница покрената од бизнисменот Јордан Камчев, пишува СДК.мк.
Јанева, Јовановски, Кичеец, Владата, СЈО и Републичкото јавно обвинителство, се тужени од страна на Камчев, кој бара да му се вратат милион и пол евра.
Засега е нејасно зошто во граѓанската постапка се и Специјалното јавно обвинителство, кое повеќе не постои.
Инаку, на парницата не беа спроведени Катица Јанева и Бојан Јовановски од затворот Идризово, а исто така и Камчев не се појави.
Од СДК.мк јавуваат дека адвокатот и син на Јанева, Лазар Јанев на почетокот на расправата побарал од судијата да одобри спровод на Јанева од затворот Идризово затоа што таа сакала да присуствува, а истиот се понудил и да го плати.
Граѓанската парница е одложена за 14-ти февруари.