Јапонија денеска објави нови банкноти од 10.000, 5.000 и 1.000 јени со тридимензионални холограмски портрети на истакнати личности од областа на финансиите, образованието и микробиологијата.
Ова е прва промена во дизајнот на јапонските банкноти во последните 20 години, а владата во Токио со овој потег сака да им застане на патот на фалсификаторите, пренесува агенцијата Kyodo.
Банката на Јапонија планира да испорача нови банкноти во вредност од 1,6 трилиони јени во текот на денот, но старите банкноти сè уште ќе бидат во оптек.
На новата јапонска банкнота од 10.000 јени, која е околу 57 евра, е прикажан Ејџичи Шибусава, личност која често се нарекува „татко на јапонскиот капитализам“.
На банкнотата од 5.000 јени е претставена воспитувачката Умеко Цуда, која е заслужна за унапредување на образованието на жените и подобрување на нивната положба во општеството.
Микробиологот Шибасабуро Китасато, познат како „таткото на модерната јапонска медицина“, и неговиот имиџ сега ја краси банкнотата од 1.000 јени.
Новите банкноти користат поголеми бројки и тактилни знаци за да им помогнат на лицата со оштетен вид.