Ќе испие ли кафе со Данела Арсовска при преземање на функцијата градоначалник на Град Скопје?
На ова прашање вечерва во „Click Plus“ на ТВ21 одговори кандидатот и актуелен градоначалник на Кисела Вода, Орце Ѓорѓиевски.
Според него, ова е протоколарна работа.
„Искрено Арсовска многу лошо го водеше градот во изминативе 4 години. Сум го кажал тоа, еве и сум се извинил прв во јавноста, ете и се каам што сум побарал некој да даде поддршка за неа. Човечки е да се признае кога ќе се погреши во животот, затоа сум тука да ги поправам грешките и да го обелам образот. Што се однесува до кафето, ако има ете некој предлог, нешто паметно да каже, секако дека би испил кафе“, додаде Ѓорѓиевски.