Кина: Трговските преговори со САД се важни, но мултилатерализмот е решение за проблемот

Кина денеска истакна дека трговските преговори со САД се важен чекор кон премостување на јазот, но потребен е мултилатерализам за да се излезе од глобалната трговска криза.

Кинеската мисија во Светската трговска организација објави на дводневниот состанок на Генералниот совет на СТО во Женева дека тоа ќе биде најлесниот начин да се најде излез од сегашната ситуација, пренесува Ројтерс.

На денешната седница на Советот на СТО, Кина ги повика земјите-членки да ги стабилизираат трговските односи и да ги зајакнат трговските мерки во согласност со правилата на СТО.