Слатките и миризливи јагоди се омилено овошје на многумина, и тие се полни со есенцијални хранливи материи, влакна, витамин Ц, фолна киселина и калиум. Тие исто така содржат мали количини на железо, бакар, магнезиум, фосфор, селен и витамини Б, К и Е.
Иако содржат и многу шеќер, тие се сметаат за храна со низок гликемиски индекс бидејќи во моментот не влијаат на растот на шеќерот во крвта, што може да се должи на антиоксидансите што ги има во јагодите.
Редовното консумирање на јагоди е поврзано со поздраво ниво на шеќер во крвта, покажува студија објавена во списанието Антиоксиданти и хранливи материи.
Студија објавена во „журнал за молекуларни науки“ сугерира дека редовно јадеме храна богата со витамин Ц, како што се јагоди, бидејќи на тој начин можеме да го подобриме здравјето на кардиоваскуларниот систем.
Тие имаат позитивен ефект врз здравјето на мозокот
Научниците велат дека јагодите можат да имаат превентивен ефект против влошување на мозочните функции, благодарение на флавоноидите кои ги има во нив, а тие имаат антиинфламаторни својства и штитат од рак.
ПРИДОБИВКИ ЗА ДИГЕСТИВНИОТ СИСТЕМ
Една чаша јагоди содржи околу 3 грама растворливи и нерастворливи влакна, а оние растворливи се многу важни за добро варење затоа што собираат вода во дигестивниот тракт и со тоа помагаат полесно да се распаѓаат хранливите материи. Нерастворливите влакна додаваат јачина на столицата, така што полесно и побрзо ќе помине низ цревата.
Некои студии покажаа дека јагодите помагаат да се спречи дегенерацијата на макулата поврзана со стареењето, најчеста причина за слепило кај постарите лица. Истражувањата покажаа дека дневната потрошувачка на три или повеќе од овие плодови може да го намали ризикот од развој на дегенерација на макулата за повеќе од 36%. Научниците веруваат дека придобивките може да се припишат на елагинска киселина, антиоксиданс од јагоди.
Важно е да се нагласи дека само свежите и замрзнатите јагоди содржат неколку корисни состојки кои придонесуваат за здравјето, додека обработените овошја губат најмногу, ако не и сите, од својата хранлива вредност.
Најдобар избор се домашните јагоди кои лично се одгледуваат во вашата мала градина или се купуваат од доверливи продавачи.